تعرف علي عادات وتقاليد أهل سوريا في رمضان علي راديو 99 إف إم في برنامج ” المسحراتي”

تقدم إذاعة 99 إف إم برنامج فانوس رمضان يوميا طوال شهر رمضان والذي يتناول العادات والتقاليد الخاصة بكل دولة في شهر رمضان المبارك . spinosad 0.9% mixed with ivermectin

و البرنامج من إعداد المذيعة مروي حلمي وتقديم نخبة من مذيعات ومذيعي راديو 99 إف إم و تحت إشراف المذيع ومدير المحطة الإذاعية أحمد شبانة . duramectin paste (1.87% ivermectin)

ويقول شبانة أنه يحرص دائما علي إنتاج برامج إذاعية متنوعة لنيل رضا المستمعين بتقديم  محتوي متنوه هادف لافتا إلي أن الهدف الأساسي للراديو هو إرضاء المستمعين بكل ما هو جديد وهادف .

رمضان في سوريا

تقول مروة:” سوريا بلاد الشام والياسمين، الحقيقة رمضان فى سوريا له عادات وتقاليد موروثة من جدود الجدود، فهنلاقي أهل دمشق عاداتهم فيها روح الأصالة والمحبة، والتواصل الديني والحياتي بين السوريين، وفيه عادات موجودة لحد دلوقتى وهنلاقى اللي اختفي منها أو قرب يختفي مع الوقت والأجيال”.

“بمجرد إعلان الرؤية، يبدأ الناس كلها بعد العشاء يتجمعوا في المساجد لصلاة أول تراويح في الشهر الكريم ليلة اول يوم رمضان، واللي بتكون عادة ٢٠ ركعة ولكن كتير منهم بيكتفوا بـ ٨ ركعات بس زى السنة، وبعد صلاة التراويح بتنتشر المكالمات والمقابلات عشان يباركوا ويهنوا بعض بالشهر الكريم”.

“أما بقى فطار أول يوم رمضان فده زي المصريين بالظبط، واجب و إلزامي يكون في تجمع العيلة عند الجد والجدة وده من غير نقاش أو دعوة، حاجة مقدسة زى عندنا، ؤول يوم طبعا عند نانا وجدو، وفى بيت العيلة، يتجمع الكل في انتظار المدفع  واللي هو عادة سورية قديمة ورمز من رموز رمضان في سوريا،وكان زمان فيه مدفع واحد عند جبل قاسيون فى دمشق ولكن مع الزمن والتوسع في المباني بقى فيه تقريبا ١٧ مدفع في دمشق لوحدها للإعلان عن قرب أذان المغرب، ولكن العادة دى للاسف قربت تختفي “.

“وعند الفطار بقى، الله على الأكل السوري، أهم حاجة فى ترابيزة الفطار أساسي لازم نلاقى الشوربة، أما شوربة الشعرية أو العدس أو مرقة اللحمة أو شوربة الفراخ، والأكلات السوري الجميلة المشهورة زى فتة الحمص، الكبة السوري والمحاشي وسلطة الفتوش والتبولة والمناقيش طبعا بأنواعها، اشي منقوشة لحم أو زعتر أو منقوشة الجينة وطبعا مننساش سلطة التومية “.

“ومن أهم واشهر العصاير اللي بتكون على الفطار فعندهم بردو العرقسوس زينا بالظبط، والتمر هندى وقمر الدين، ويخلص الفطار ويجى وقت الحلو، هنا بقى وقت العوامة (ودى الزلابية او لقمة القاضي بتاعتنا)، والقطايف ألعصافيري اللي بيحشوها قشطة وكريمة وكمان النمورة، اللي هي عندنا في مصر البسبوسة، وطبعا الكنافة النابلسية أو الكنافة بالجبنة الفظيعة المشهورة بتاعتهم،ومع الحلو لازم القهوة، ويكون مسك الختام مع القهوة المرة قبل ميعاد التراويح”.

“في المحافظات التانية بيختلف الحال عن دمشق في الأكلات، فمثلا:هنلاقي في المحافظات الساحلية عندهم الوجبة الأساسية السمك (الصيادية)مع الرز، أما المناطق والمحافظات الوسطى زى مثلا حلب مشهورة بالكبة الحلبية وورق العنب اللي بيسموه *اليالنجي*، وفى حلب منتشرة الأسواق الشعبية اللي بتكون مليانة بالزباين طول النهار وبالليل يقعد الناس على القهاوي يحكوا ويتقابلوا ويقضوا ليلهم بعد التراويح، وبمناسبة الحكاوي ففيه عادة سورية قديمة ولكنها اختفت للأسف مع زمن الموبايلات والايباد، فكان هناك المحكواتي، اللي يقعد يلف على القهاوي ويحكى للناس الأخبار وحكايات زمان من التاريخ واهم الإبطال والقصص”.

“وبعد التراويح يبدأ الناس في الخروج للشوارع والمحلات أو زيارات الأهل والجيران والصحاب وفيه اللي بيكملوا فى المسجد في حلقات دروس دينية لحد ميعاد صلاة التهجد بالليل، ويبقى الحال كده لحد قرب السحور اللي فيه منهم بيكون محضره معاه عشان يكمل فى الجامع لحد الفجر وده غالبا بيكون في العشرة الأواخر، أما بقى ليلة القدر فغالبا بتلاقى كل العيلة بتحرص على قيام الليلة دى، يا أما الرجال في المساجد ومعاهم الأم والولاد يا أما الأب في المسجد مع أولاده

وإلام بتقيمها في بيتها مع بناتها وغالبا تلاقى الشوارع فاضية فى الليلة دى، والكل بيتسابق لإحياء ليلة القدر”.

“ويجي وقت السحور، والمسحراتي بطبلته وهو بينادي على الناس يصحيهم وينبهم لوقت السحور، والعادة دى على فكرة في سوريا من ساعة العصر الأموي، وغالبا بيكون المسحراتي من المنطقة عشان يبقى عارف الناس، وفيه طريقة تانية وهو إطلاق مدفع السحور اللي بيكون مرتين لتنبيه الناس انه خلاص وقت السحور حضر، وسحور السوريين غالبا بيعتمد على الجبن والزعتر واللبن الرايب ومعاهم طبعا زيت الزيتون والبيض”.

وفي أخر الشهر الكريم، يبدأ بقى موسم الشوبينج العظيم والناس بتجهز للعيد سواء باللبس الجديد أو حلويات العيد، واللى لسه فيه عائلات كتير لحد النهاردة بتحب تحضرها بنفسها في البيت، ويوم وقفة العيد، تبدأ مدافع رمضان في الانطلاق تعلن عن نهاية رمضان وان تانى يوم أول أيام عيد الفطر المبارك.

كل سنة وأهل سوريا كلهم بخير، وينعاد عليهم وعلينا الأيام بخير