تعرف علي عادات وتقاليد رمضان في الكويت

تقدم إذاعة 99 إف إم برنامج فانوس رمضان يوميا طوال شهر رمضان والذي يتناول العادات والتقاليد الخاصة بكل دولة في شهر رمضان المبارك .

و البرنامج من إعداد المذيعة مروي حلمي وتقديم نخبة من مذيعات ومذيعي راديو 99 إف إم و تحت إشراف المذيع ومدير المحطة الإذاعية أحمد شبانة .

ويقول شبانة أنه يحرص دائما علي إنتاج برامج إذاعية متنوعة لنيل رضا المستمعين بتقديم  محتوي متنوه هادف لافتا إلي أن الهدف الأساسي للراديو هو إرضاء المستمعين بكل ما هو جديد وهادف .

رمضان في الكويت

والكويت له عادات وتقاليد مميزة فى رمضان، و لهم طقوسهم الخاصة بهم .

” والاستعداد لرمضان في الكويت بيكون قبل دخوله من شهر شعبان وتلاقى النساء والسيدات في الأسواق تشترى الأواني والحلل ومستلزمات المطبخ الغالية والفاخرة جدا لرمضان وضيوفه وعزوماته واللى بيسموها العزايم او الغبقات الرمضانية وده لأنها من الحجات الأساسية اللى بيتباهوا بها ، والغبقة الرمضانية من العادات القديمة للكويتيين، وهي فترة تبدأ من بعد صلاة العشاء لحد السحور، ويقدموا فيها الحلويات وكل واحدة تعمل طبق من عمايل ايدها ويتجمعوا فى بيت حد من القرايب ويفضلوا يسهروا سوا “.

” أما في الصيام، فبعد صيام يوم كامل يتجظع الكويتين عند.مدفع الإفطار اللي موجود جمب سوق من اكبر أسواقهم واسمه سوق المباركية وده سوق تراثي تقليدي في العاصمة الكويت ومع وقت الأذان ينطلق المدفع ويبدأ الكويتيين فطارهم على التمر مع اللبن “.

” ويتميز رمضان عند الكويتين بالديوانيات ودى معناها مجالس وقعدة الكويتين الجماعية سوا وفطارهم مع بعض اللى بيختلف ما بين أكلات زى مناسف الرز واللحم او السمك والهريس والمجبوس وغيرها كتير من الأكلات الكويتية،  والشوربة بأنواعها ده طبق أساسي على مائدة الإفطار ، وفى الديوانيات يحلو السمر والكلام والمتاقشات والضحك والهزار والمسابقات الخفيفة بين الشباب وده بيديها جو كله بهجة وألفة “.

“وفطرنا، نحلى بقى.. وجه وقت التحلية مع الحلويات المختلفة ولكن أشهرها اللقيمات، اللى هى الزلابية والمهلبية والكريم كراميل والكاسترد والجيلى، واهم وأشهر مشروب عندهم في  رمضان هو الفيمتو او شراب الليمون بالزعفران، وطبعا الشاي والقهوة العربي ” .

” وموائد الرحمن على فكرة من الحجات المميزة والمشهورة في رمضان وهى منتشرة بشكل كبير فى كل مكان فى البلد وبتكون غالبا تحت إشراف الوزارات والمؤسسات الخيرية والشركات العامة “.

” ومن عادات الكوايتة زيهم زى باقى دول مجلس التعاون الخليجي الاحتفال بليلة نص رمضان واللى هى علامة مميزة لدول الخليج وبيسموها في الكويت القرقيعان

وبيلف فيها الأطفال على البيوت باللبس الكويتى التقليدى يغنوا ويطلبوا الحلويات وغالبا تلاقى الولد شايل كيس معمول من القماش ولونه ابيض إما البنت فبيكون الكيس بتاعها ملون ومزركش “.

و ” صلاة التراويح من الحجات اللى بيحرص عليها الكوايتة لصلاتها وقيامها خاصة فى ليلة ٢٧ وبتكون فى المسجد الكبير بالعاصمة الكويت وممكن يوصل عدد المصلين اليوم ده ٤٠ ألف واحد ” .

” وقرب وقت السحور تلاقى ابو طبيلة او المسحراتى عمال يلف على البيوت وفى الشوارع للسحور ووقت السحور وفى مقابل كده بيقدم له الأهل الأكل والشرب اللي يتسحر به، والل بيجى آخر الشهر يودع ليالي رمضان الأخيرة بصوت حزين وهو بينادى الوداع الوداع يا رمضان وعليك السلام يا شهر الصيام” .

” وفي الأيام الأخيرة من رمضان تلاقى الأسواق زحمة بالناس اللى بيينزلوا لشراء لبس العيد ولوازمه، وبعد ما رمضان يخلص، يروح أهل الكويت للأمير ويهنئوا الأسرة الحاكمة بالعيد “.