” قاعة الفرن”.. طاقة نور

طاقة نور

بقلم د. غادة فتحي الدجوي

البيوت في الريف فيها حجرة اسمها ” قاعة الفرن” كان فيه الفرن البلدي بملأ الغرفة كلها و يدوب المكان اللي بنخبر فيه العيش في مدخل الغرفة

و الفرن مش عالي، في الشتا أهل البيت يحبوا يفرشوا الحصر و الغطاء الخفيف و ينامو فوق الفرن و ده بيكون ادفى مكان في البيت و ” قاعة الفرن ” مفيهاش شبابيك لكن فيه فتحة شبه مدورة فوق يمكن قريبة للسقف و في اتجاه شروق الشمس و عليها سلك خفيف…

علشان يدخل منها النور و أشعة الشمس و فعلا بتنور الغرفة كلها…

و هي طاقة النور الوحيدة و لكن تستوعب كل أشعة الشمس بنورها و دفاها و نلاقي العصافير بتدور  حولها  و يمكن تبني العش فوقها….

ومع بعض في طاقة نور نكتشف كل طاقة نور في حياتنا ، يمكن طاقة نورك تكون موقف او إنسان أو الأكل أو العلاقات بأنواعها أو  يمكن اكتشافك و اكتشافنا لرحلتنا في الحياة و نتبادل أشعة الشمس المفيدة و بدل ما يكون عندنا طاقة نور واحدة تبقي حياتنا كلها طاقات نور مشرقة في حياتنا و حياه الآخرين…

انهاردة ممكن نحكي شوية عن شعاع شمس داخل لماح من طاقة نورنا … هو شعاع الامتنان كل واحد فينا عنده أشخاص و مواقف بيمتن ليها و الامتنان درجة عالية من الشكر ، و عندنا أسباب لهذا الامتنان ، أعتقد أننا محتاجين جدا جميعا نمتن لرب العالمين للنعم التي لا تحصى في حياتنا مثلا إننا  بنشوف و بنتكلم و بنسمع و بناكل و نفرح و نمشي، و الامتنان هنا فعل … دعاء و صلاه و عمل خير و تطوع و صون اللسان و إننا نعرف إن الفضل فضل الله  و إننا أسباب في حياة الناس مش أصحاب فضل ، امتنوا للحياة و خالقها … تعالو انهاردة نبدأ حالة جديدة من الامتنان بالقول و الفعل و ننشر حالة الامتنان لمن حولنا و نفتكر الأشخاص الرائعين في حياتنا و نكلمهم صوت و نقولهم ممتنين لكم و نشكرهم علي وجودهم و دعمهم لحياتنا …

طاقة النور انهاردة شعاعها الامتنان

و ممتنة للتواصل معاكم و مع عقولكم و قلوبكم

و إلي اللقاء مع شعاع جديد من طاقة نور

الكاتبة/ د. غادة الدجوي