تقدم إذاعة 99 إف إم برنامج فانوس رمضان يوميا طوال شهر رمضان والذي يتناول العادات والتقاليد الخاصة بكل دولة في شهر رمضان المبارك . سباق
و البرنامج من إعداد المذيعة مروي حلمي وتقديم نخبة من مذيعات ومذيعي راديو 99 إف إم و تحت إشراف المذيع ومدير المحطة الإذاعية أحمد شبانة . اليورو بطولة 2023
ويقول شبانة أنه يحرص دائما علي إنتاج برامج إذاعية متنوعة لنيل رضا المستمعين بتقديم محتوي متنوه هادف لافتا إلي أن الهدف الأساسي للراديو هو إرضاء المستمعين بكل ما هو جديد وهادف .
رمضان في باكستان
” اكتر من ٩٧% من الشعب الباكستاني مسلم وهى بتعتبر من اكبر الدول الإسلامية من حيث عدد المسلمين فيها، وعشان كده رمضان في باكستان له طقوسه الخاصة،
فتلاقى رمضان في باكستان المسلمين مقبلين على الصلاة في المسجد، وحضور حلقات الذكر والدعاء والتقرب إلى الله بأحب الأعمال وحضور دروس التفسير “.
إما النساء في باكستان في رمضان فلهم عادات خاصة بهم فتلاقيهم استغنوا عن الملابس التقليدية المزركشة والمبهرجة بألوانها الكتير طول الشهر،ويحرصوا على لبس الحجاب في رمضان حتى لو مكنتش محجبة وده احتراما للشهر الفضيل ، ومراعاة اللبس المحتشم اللي يتناسب مع حرمة الشهر ويبدأ يظهر جو الألفة والروحانيات بين الناس.
” مع دخول شهر رمضان تزيد أعمال الخير والتطوع فتلاقى المساجد تبدأ تجرد أسماء المحتاجين في المنطقة وتوفير كل مستلزمات رمضان لهم وده طبعا بيكون بمساعدة المقتدرين ماديا من أهل نفس المنطقة وبكده يتجسد روح الألفة والتآخي بين المسلمين في شهر الخير “.
“ومع أذان المغرب، تلاقى المحلات الباكستانية زحمة بالناس اللى بتشترى وجبة الفطار الساخنة الجاهزة واللي جرت العادة دلوقتى على ان الناس تشتريها جاهزة وهم غالبا بيفطروا على السمبوسة والباكورة ودى معمولة من خليط البطاطس والدقيق والتوابل وتتقلى، أما سلطة الفواكه فبتتعمل في البيت” .
” ووقت الفطار فى باكستان مع آذان المغرب عادة مش بيكون اكتر من ٥ أو ١٠ دقايق بالكتير، يادوب يكسروا صيامهم بمشروب الشاتوو الشهير واللي من ابرز العصاير الباكستانية فى رمضان وبيتخضر غالبا له من قبل رمضان بفترة وهو عبارة عن خليط من الفواكه المجففة والسكر وعصير الليمون وفيه ناس بتحب تضيف عليه لبن ولوز مبشور لطعم غنى اكتر وفوايد اكتر وده بيحبوه جدا فى رمضان لانه منعش وبيعوض عطش الصيام وبيمدهم بالطاقة ،ويأكلوا الوجبة الصغيرة من السمبوسة او الباكورة،وبعدها الكل يروح يصلى المغرب جماعة فى المسجد، على اساس بعد التراويح بيرجعوا يكملوا أكلتهم الأساسية ” .
” والباكستانيين عندهم عادة تشجيع الأطفال على الصيام من خلال تعريفهم بثواب الصيام والمكافآت وتجهز الأمهات لأطفالها الأكلات اللي بيحبوها كطريقة تشجيع لهم على الصيام ويحتفلوا معاهم عند المغرب، وغالبا المطاعم بتقفل فى رمضان في النهار ومفيش قانون بكده، ولكن الناس أتعودت تعمل ده احتراما للشهر الكريم ” .
ومن أشهر الإطباق والأكلات في رمضان وتقريبا بشكل يومي” تشات ” الفواكه اللي هي سلطة الفواكه والباكورة وحلوى البودنج . لعبة طاولة محبوسة اون لاين
وأتعود الباكستانيين يتبادلوا بينهم وبين جيرانهم إطباق الأكل فتلاقى الطبق عليه صنف من الأصناف رايح للجيران ويرجع تانى يوم لأصحابه مردود فيه صنف تانى، وده تبقى عادة قديمة تزود الود والتكافؤ في شهر الخير، إحنا كمان كنا في مصر متعودين على كده مع جيراننا زمان مع أهلنا ويمكن لسه العادة دى موجودة في مناطق معينة.
” كمان بيحب الباكستانيين يشاركوا أكلاتهم مع المسجد فتلاقى كل بيت بيبعت للمسجد صنف او اكلة وده عشان لو فيه أي محتاج أو فقير، ومن عادتهم أنهم ممكن يفضلوا طول الشهر العيلة الواحدة تتجمع سوا ولو كل يوم عند حد، المهم يبقوا طول الشهر فى لمة وونس يفطروا مع بعض “.
” ووقت صلاة التراويح يتجمعوا للصلاة فى المسجد وختم القرآن وغالبا بتختم اغلب المساجد القران فى رمضان اكتر من مرة فتلاقيهم ختموه فى اول ١٥ يوم مرة، والختمة التانية تكمل فى ٢٧ رمضان ليلة القدر وساعات يتختم مرة تالتة فى الليالى الباقية بين صلاة التراويح والتهجد، وده بيخلى فى كتير من الاوقات الصلاة تكمل من التراويح لحد قرب السحور”.
وتعتبر وجبة السحور الوجبة الأساسية لهم والمسحراتي فى باكستان له دور فتلاقيه بيطوف الشوارع والميادين بطبلته التقليدية يعلن عن قرب وقت السحور ومهمته دى مش تطوعية، لان سكان المنطقة بيدوله اجر على كده من زكاة الفطر وبيكون كمان سحوره كل ليلة عند بيت منهم.
واهم ليلتين عند الباكستانيين هى ليلة نص رمضان وليلة القدر، واللى بيتسابق فيها الباكستانيين في إحياء وقيام الليلة دى، غير ان النساء الباكستينيات مش بتخرج للصلاة في المساجد وغالبا بتصلى فى بيتها،
إما بقى من العادات الجميلة وهى ان الميسوريين الحال والمقتدريين ماديا بيجووا فى العشرة الأواخر ويلبسوا جديد فى جديد وكأنهم في العيد بالضبط، ده غير الهدايا والصدقات والعطايا الكتير اللي بتتوزع على الفقراء، كل سنة واهل باكستان كلهم بخير، وينعاد عليهم وعلينا وعلى المسلمين الأيام بخير
